Hormatly Watandaşlar, Türkmenistanyň Döwlet sirkleri 2025-nji ýylyň mart, aprel aýlarynda ýurdumyzyň ähli welaýatlarynda “Türkmeniň ak öýi” binalarynda geçiriljek göçme sirk çykyşlaryny size hödürleýär. Çykyşlaryň dowamynda türkmeniň milli sirk sungatyny dünýä ýaýan “Galkynyş” milli at üstündäki oýunlar toparynyň we Türkmenistanyň Döwlet sirkleriniň döredijilik toparlarynyň ýaş zehinli artistleriniň, masgarabazdyr akrobatlaryň, ekwelibristleriň we žanglýorlaryň, erkin ýagdaýda tälim berlen atlaryň, Hindistanyň şadyýan “Makaka” maýmynjyklarynyň, şeýle hem “Poni” atynyň täsin özüne çekiji jadyly çykyşlaryna tomaşa edip bilersiňiz. Göçme sirk çykyşlaryň geçiriljek seneleri: 1. Lebap welaýatynyň Türkmenabat şäherinde ýerleşýän “Türkmeniň ak öýi” binasynda 2025-nji ýylyň mart aýynyň 5-7-si aralygynda geçiriler. 2. Mary welaýatynyň Mary şäherinde ýerleşýän “Türkmeniň ak öýi” binasynda 2025-nji ýylyň mart aýynyň 10-12-si aralygynda geçiriler. 3. Balkan welaýatynyň Balkanabat şäherinde ýerleşýän “Türkmeniň ak öýi” binasynda 2025-nji ýylyň mart aýynyň 27-29-y aralygynda geçiriler. 4. Daşoguz welaýatynyň Daşoguz şäherinde ýerleşýän “Türkmeniň ak öýi” binasynda 2025-nji ýylyň aprel aýynyň 7-9-y aralygynda geçiriler. Göçme sirk çykyşlarynyň peteklerini “Türkmeniň ak öýi” binasynyň kassasynda satyn alyp bilersiňiz. Çykyşlaryň geçiriljek wagtlary sagat 15:00-da we 18:00-da. Habarlaşmak üçin: +993 62 674799; +993 63 912893.

Hormatly tomaşaçylar, Türkmenistanyň Döwlet sirki fewral aýynyň 16-na sagat 18:00-da täze teatral-sirk tomaşalaryny Size hödürleýär. Çykyşlaryň dowamynda türkmeniň milli sirk sungatyny dünýä ýaýan, halkara sirk festiwallarynda 6 gezek ýeňiji bolup baş baýraklara eýe bolan “Galkynyş” milli at üstündäki oýunlar toparynyň we “Türkmen jigitleri” toparynyň ýaş zehinli artistleriniň, tälim berlen haýwanlaryň, mundan başgada dürli-dürli žanrlardaky sirk çykyşlaryna tomaşa edip bilersiňiz. Türkmenistanyň Döwlet sirkiniň sirk.gov.tm resmi web sahypasynda petekleri “online” görnüşinde satyn alyp bilersiňiz Habarlaşmak üçin: 36-10-95; 36-10-34; 39-80-44; 39-80-45.

Hormatly Watandaşlar, Türkmenistanyň Döwlet sirki dekabr aýynyň 9-na sagat 18:00-da Sizi sirk tomaşasyny görmäge çagyrýar. Çykyşlarymyzyň dowamynda dürli sirk oýunlary, artistleriň täzeden-täze şowhunly çykyşlary, dünýäniň dürli haýwanlarynyň çykyşlary, esasan hem “Galkynyş” milli at üstündäki oýunlar toparynyň we “Türkmen jigitleri” toparynyň çykyşlary hem-de “Gündogar ýyldyzlary” milli sirk oýunlar toparynyň ýaş zehinleriniň çykyşlary görkeziler. Hormatly Ildeşler Türkmenistanyň Döwlet sirkinde hoş gördük!!! Goşmaça maglumatlary resmi sahypamyzda görüp bilersiňiz: sirk.gov.tm Habarlaşmak üçin: 36-10-95; 36-10-34

«Halkara parahatçylyk we ynanyşmak ýyly» diýlip yglan edilen 2025-nji ýylda Türkmenistanyň Prezidenti Hormatly Serdar Berdimuhamedowyň içeri we daşary syýasatyny goldaýan,dünýäniň halklary bilen dost-doganlyk gatnaşyklarymyzy has-da berkitmek maksady bilen, türkmeniň sirk sungatyny dünýä ýaýan «Galkynyş» milli at üstündaki oýunlar topary we Türkmenistanyň Döwlet sirkiniň döredijilik toparynyň “Türkmen jigitleri” toparynyň atristleri hem guwandyryjy netijeleri gazanyp diňe öz ülkämizde däl, eýsem dünýä halklarynyň içinde hem uly gyzyklanma bilen ýaň salýar. 2025-nji ýylyň 17-26-njy ýanwary aralygynda Monakanyň Monte-Karlo şäherinde geçirilýän 47-nji halkara sirk festiwalyna ýörite çakylyk boýunça abraýly baýraklaryň eýesi bolan Türkmenistanyň Prezidentiniň Iş Dolandyryş Müdirliginiň Hojalyk müdirliginiň Türkmenistanyň Prezidentiniň ahalteke atçylyk toplumynyň edarasynyň «Galkynyş» milli at üstündäki oýunlar topary we Türkmenistanyň Döwlet sirkiniň döredijilik toparynyň «Türkmen jigitleri» toparynyň atristleri hem gatnaşdylar we festiwalyň baş baýragy – Altyn medala mynasyp boldular.