Hormatly Watandaşlar, Türkmenistanyň Döwlet sirki Milli bahar baýramy – Halkara Nowruz güni mynasybetli körpeler üçin täze çykyşlaryny size hödürleýär. Çykyşlaryň dowamynda türkmeniň milli sirk sungatyny dünýä ýaýan, “Galkynyş” milli at üstündäki oýunlar toparynyň we Türkmenistanyň Döwlet sirkiniň “Türkmen jigitleri” toparynyň, masgarabazdyr akrobatlaryň, howa gimnastlarynyň, ekwelibristleriň we žanglýorlaryň täsin özüne çekiji jadyly çykyşlaryny görüp bilersiňiz. Sirk çykyşlar 2026-nji ýylyň mart aýynyň 23-den 2026-nji ýylyň 28-nji marty aralygynda hepdäniň ähli günlerinde dowam eder. Habarlaşmak üçin: 39-80-44; 39-80-45; 39-80-46; 36-10-95.

Hormatly Prezidentimiz Arkadagly Gahryman Serdarymyzyň we Gahryman Arkadagymyzyň döredip berýän mümkinçilikleriniň netijesinde «Halkara parahatçylyk we ynanyşmak ýyly» şygary astynda geçen 2025-nji ýylda «Galkynyş» milli at üstündäki oýunlar toparynyň Monaka Knýazlygynyň Monte-Karlo şäherinde geçirilen 47-nji halkara sirk sungaty festiwalynda çykyş edip Altyn baýraga we ýörüte baýraklara mynasyp bolmagy hem-de «Garaşsyz, baky Bitarap Türkmenistan – bedew batly at-myradyň mekany» ýylynyň uly üstünliklere beslenýän ilkinji aýynda Monakada geçirilen 48-nji halkara sirk sungaty festiwalynda «Galkynyş» milli at üstündäki oýunlar toparyna gazanan aýratyn uly üstünlikleri we beýleki sirk sungatyna goşan uly goşandy üçin Bütindünýä sirk federasiýasynyň hem-de Ýewropa sirk assosiasiýasynyň şahadatnamalarynyň gowşurylmagy, türkmen sirk sungatynyň dünýä derejesine çykýandygynyň aýdyň güwäsidir. «Garaşsyz, baky Bitarap Türkmenistan – bedew batly at-myradyň mekany» ýylynda «Galkynyş» milli at üstündäki oýunlar toparynyň Bütindünýä sirk federasiýasynyň hem-de Ýewropa sirk assosiasiýasynyň sahadatnamalaryna mynasyp bolmagy bilen baglylykda Arkadag we Aşgabat şäherlerinde döwlet derejesinde geçirilen dabaraly çäreleri dowam etmek maksady bilen, şu ýylyň 15-nji fewralynda Balkan welaýatyndaky, 19-njy fewralynda Daşoguz welaýatyndaky, 23-nji fewralynda Lebap welaýatyndaky, 27-nji fewralynda bolsa Mary welaýatyndaky «Türkmeniň ak öýi» binalarynda «Galkynyş» milli at üstündäki oýunlar toparynyň çykyşlary guralýar.

Hormatly Watandaşlar, Türkmenistanyň Döwlet sirki fewral aýynyň 21-22-ne sagat 18:00-da Sizi sirk tomaşasyny görmäge çagyrýar. Çykyşlarymyzyň dowamynda dürli sirk oýunlary, artistleriň täzeden-täze şowhunly çykyşlary, dünýäniň dürli haýwanlarynyň çykyşlary, esasan hem “Galkynyş” milli at üstündäki oýunlar toparynyň we “Türkmen jigitleri” toparynyň çykyşlary hem-de “Gündogar ýyldyzlary” milli sirk oýunlar toparynyň ýaş zehinleriniň çykyşlary görkeziler.

Hormatly Watandaşlar, Türkmenistanyň Döwlet sirki fewral aýynyň 8-ne sagat 18:00-da Sizi sirk tomaşasyny görmäge çagyrýar. Çykyşlarymyzyň dowamynda dürli sirk oýunlary, artistleriň täzeden-täze şowhunly çykyşlary, dünýäniň dürli haýwanlarynyň çykyşlary, esasan hem “Galkynyş” milli at üstündäki oýunlar toparynyň we “Türkmen jigitleri” toparynyň çykyşlary hem-de “Gündogar ýyldyzlary” milli sirk oýunlar toparynyň ýaş zehinleriniň çykyşlary görkeziler. Hormatly Ildeşler Türkmenistanyň Döwlet sirkinde hoş gördük!!! Goşmaça maglumatlary resmi sahypamyzda görüp bilersiňiz: sirk.gov.tm Habarlaşmak üçin: 39-80-44; 39-80-45; 36-10-95; 36-10-34;